>ليش سنه أو سنتين؟؟<

صباح الخير\مساء الخير


الموضوع للجنسين


وقبل ماأبتدي بالموضوع ودي أقدم سؤال وبعدين أبتدي الموضوع





هل توافق أو توافقين على أن تكون فترة الخطوبه بين الأثنين فتره طويله نوعآ ما ؟

طبعا سواء كانت فترة الخطوبه طويله أو قصيره فالمراد منها أن الأثنين يعرفون أطباع بعضهم .
الكل فيهم يحاول أكثر وأكثر معرفة الأيجابيات والسلبيات الي موجوده بشريك حياته بالمستقبل .
أن يكشف كل طرف من الطرفين حقيقة الأخر أن كان صادق أو غير صادق والصدق بنظري هو العامود الفقري للحياة الزوجيه.
أن يرسم كلآ منهم خط السير لحياته بوضوح مع الأخر .
............ألخ من هذي الأمور



ولكن أنا بقول رأيي وهذا الرأي يمثل وجهة نظري فقط ولايمثل وجهة نظر العموم من الناس
بوجهة نظري بأن فترة الخطوبه أو بمعنى أصح مثل مانسميها (الملجه) بأنها لاتطول أكثر من شهرين أو ثلاث شهور
لأن بوجهة نظري هذي المده كافيه للطرفين لمعرفة بعضهم البعض بشكل واضح
لأن وبكل صراحه أنا ودي أتكلم بكل صراحه

أنت كشخص من حقك تشوف البنت الي بتتقدم لها كنظره شرعيه بوجود أخوانها الكبار أو أبوها أيآ من خوالها أو عمامها
ولكن النقطه المهم بهذا الموقف

هل تبي تقنعني أنك قادر بهذي الجلسه الشرعيه أنك تكتشف كل مميزات البنت وكل عيوب البنت بفتره بسيطه ماتتجاوز عشر دقتيق أو ربع ساعه ؟




طبعا مستحيل
وكل أنسان يفكر بطريقه سليمه بيقول لك لا ماتقدر

ولكن بوجهة نظري هالشي مايخليك تقعد تنقع بنت الناس سبع شهور أو سنه كامله وبعدين تسوي العرس !

والله أنا أعرف ناس بعد الملجه يقعدون سنه ونص وبعدين يتفرغون للعرس !

لييييش عاد جذي

ياأخي ماتقدر على مصاريف العرس صارح أهل العروس وقول لهم أنا مابي أسوي عرس لأي سبب من الأسباب

بالعكس إذا كانو أياويد ماراح يصير عندهم مانع لأنهم شارينك موشارين المظاهر

لكن ياأخي ليش تعطل نغسك وتقعد مده طويله

ياخوي هذا ماصار تفاهم بينك وبين خطيبتك علشان تنقعها سنه وسنتين

أنا برأيي أن الشخص إذا جاهز للزواج مومشكله يتقدم وإذا وافقو عليه وعنده نيه أنه يسوي عرس خلاص ياأخي ثلاث شهور أو أربع شهور كافيه للتجهيز